Bakı. Elnur Bağışov - Trend:
İranın İsfahan vilayətinin eyniadlı rayonunun Həsənabad şəhərində yerləşən bir mağarada qaz nəticəsində 3 nəfər həlak olub.
Trend-in məlumatına görə, bunu İranın İsfahan rayonunun hüquq-mühafizə orqanının polis rəisi polkovnik Məhəmməd Rza Xudadust deyib.
M.Xudadustun sözlərinə görə, hadisə ötən gecə 00:30-da baş verib.
Polis rəisi əlavə edib ki, mağaradakı 4 nəfərdən birinin həyatını xilas etmək mümkün olub.
Həlak olanların meyitləri aidiyyəti üzrə təhvil verilib.