...

Sığırlı stansiyasında baş verən hadisə ilə bağlı RƏSMİ

Hadisə Materials 15 Oktyabr 2019 14:49 (UTC +04:00)
Bu gün saat 10:30 radələrində Sığırlı stansiyasında xəsarətlə nəticələnən hadisə baş verib.
Sığırlı stansiyasında baş verən hadisə ilə bağlı RƏSMİ

Bakı. Trend:

Bu gün saat 10:30 radələrində Sığırlı stansiyasında xəsarətlə nəticələnən hadisə baş verib.

"Azərbaycan Dəmir Yolları" QSC-dən Trend-ə verilən məlumata görə, yük qatarı stansiyanın tək yolunda hərəkət edən zaman 367-ci kilometrlikdə dəmir yolu xəttini keçmək istəyən Sığırlı kənd sakini, eşitmə qüsurlu Mirzə Talıb oğlu Şəmiyevi vurub.

Maşinist dərhal səs siqnalları verərək tormozlama aparıb. Lakin hadisənin qarşısını almaq mümkün olmayıb.

Xəsarət alan şəxs Kürdəmir rayon Mərkəzi Xəstəxanasına çatdırılıb.

Baş vermiş hadisə aidiyyəti üzrə araşdırılır.

Məqalədə:
Xəbər lenti

Xəbər lenti