Bakı. Orxan Nəbiyev - Trend:
Xəzər dənizinin şimal hissəsində Rusiyanın Həştərxan limanından Bakıya hərəkət edən "Tanker-7" gəmisi saya oturub.
Trend-in məlumatına görə, bu barədə Rusiya Fövqəladə Hallar Nazirliyinin Həştərxan vilayəti idarəsi bildirib.
Qeyd olunub ki, insident Volqa-Xəzər kanalında qeydə alınıb. Hadisə nəticəsində xəsarət alan olmayıb. Gəmidə 12 heyət üzvü olub.
Kanalda suyun çirklənməsi və ya digər gəmilərin hərəkətinə maneə qeydə alınmayıb.