Bakı. Trend:
Sumqayıt şəhərində şirkət işçilərini daşıyan avtobus qəzaya uğrayıb.
Trend-in məlumatına görə, hadisə Bakı-Quba yolunun Sumqayıt şəhərindən keçən hissəsində baş verib.
Hadisə nəticəsində avtobusda olan 7 nəfər xəsarət alıb.
Xəsarət alan şəxslər təcili yardımla xəstəxanaya gətirilib.
Sumqayıt Təcili Tibbi Yardım Stansiyasından Trend-ə verilən məlumata görə, xəstəxanaya gətirilən 7 nəfərə ilkin tibbi yardım göstəriləndən sonra evə buraxılıb.