Bakı. Trend:
2022-ci ilin birinci yarımili ərzində Bakı şəhərinin prokurorluq və daxili işlər orqanları üzrə cəmi 8 008 cinayət hadisəsi qeydiyyata alınıb.
Trend-in məlumatına görə, bunu Bakı şəhər prokurorluğunda keçirilən əməliyyat müşavirəsində Bakı şəhər prokuroru Elşən Abbasov deyib.
O bildirib ki, həmin cinayətlərin 88,9%-nin açılması təmin edilib.
"Bakı şəhərinin prokurorluq və daxili işlər orqanları tərəfindən həyata keçirilmiş istintaq-əməliyyat tədbirləri nəticəsində Bakı şəhəri ərazisində qeydə alınmış 27 qəsdən adam öldürmə və 6 qəsdən adam öldürməyə cəhd cinayətlərinin hamısının açılması təmin edilib", - şəhər prokuroru qeyd edib.