Bakı. Trend:
Rusiyada yoldan keçənlərə hücum edənlərin daha bir üzvü saxlanılıb.
Trend xəbər verir ki, FSB və Mərkəzin "E" əməkdaşları bir gün əvvəl Dağıstandan olan 18 yaşlı oğlanı saxlayıblar.
İstintaq Komitəsi həbsdən sonra çəkilmiş videonu nümayiş etdirib. Kadrlardan aydın görünür ki, şübhəli şəxs döyülmə videosunun iştirakçıları arasında olduğunu təsdiqləyir. İdarədən qeyd edilib ki, saxlanılan şəxs barəsində cinayət işi açılıb, barəsində həbs-qətimkan tədbirinin seçilməsi məsələsi həll edilir.
Qeyd edək ki, bundan əvvəl özünü "Azərbaycan mafiyası" adlandıran dəstənin çoxu azyaşlı olan 11 üzvü həbs edilib. Təqsirləndirilənlər arasında Azərbaycan vətəndaşları da var.