Bakı. Trend:
Bakı-Şamaxı yolu buz bağlayıb. Yolun buz bağlaması səbəbindən hərəkəti çətinləşib, qəzalar baş verib.
Məsələ ilə bağlı Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsinin rəisi Anar Nəcəfli Trend-ə bildirib ki, yolda buzlaşma var.
"Lakin Agentliyin texnikaları yolda növbə çəkirlər. Yola duz-qum qarışığı səpilir. Yoldakı problemlər aradan qaldırılması istiqamətdə işlər görülür", - deyə o qeyd edib.
Qeyd edək ki, Bakı-Şamaxı yolunun buz bağlaması sürücülərə çətin anlar yaşadıb. Şaxtalı hava yolda hərəkəti iflic edib.
Yolun buz bağlaması qəzaya da səbəb olub. Hadisə zamanı minik avtomobilləri toqquşublar.