Bakı. Trend:
Tərtər rayonunda baş verən yol-nəqliyyat hadisəsi ölümlə nəticələnib.
Trend-in yerli müxbirinin verdiyi məlumata görə, hadisə rayonun Seydimli kəndi ərazisində qeydə alınıb.
Belə ki, rayon sakini İxtiyar Cəfərovun idarə etdiyi “JAC” markalı minik avtomobili hərəkətdə olarkən sürücünün idarəetməni itirməsi səbəbindən yoldan çıxaraq aşıb.
Qəza zamanı avtomobildə sərnişin qismində olan Bərdə rayon sakini, 1977-ci il təvəllüdlü Ramil Hüseynov hadisə yerində həyatını itirib.
Faktla bağlı müvafiq qurumlar tərəfindən araşdırma aparılır.