Dekabrın 1-də Binəqədi rayonunun Sulutəpə qəsəbəsi ərazisində baş vermiş partlayışın fəsadlarının aradan qaldırılması ilə əlaqədar Bakının bəzi yerlərinə təbii qazın verilməsi müvəqqəti dayandırılıb. Bu barədə Trend ə Daxili İşlər Nazirliyindən məlumat verilib.
Saat 11.10-da yüksək təzyiqli 700 millimetrlik magistral qaz borusundan təbii qaz sızmasından yanğın baş verib. Nəticədə qəsəbədə yaşayan Gülcənnət Məmmədovanın evinin dam örtüyü 5 kvadratmetr sahədə, Aydın Əbdülağayevin evində 22 kvadratmetr sahədə iki otağının yanar konstruksiyaları və əşyalar, Fərhad Hüseynzadəyə məxsus VAZ-2115 markalı avtomaşının mühərriki yanıb.
Faktla əlaqədar araşdırma aparılır və dəyən ziyan müəyyənləşdirilir.