Azərbaycan, Bakı, 3 fevral/Trend müxbir M. Salmanov/
ABŞ-da yarım saat ərzində 337 toyuq qanadı yeyən yaponiyalı Takeru Kobayaşi bu sahədə yeni rekorda imza atıb. Bu barədə cümə günü Trend Türkiyənin "Milliyet" qəzetinə istinadən məlumat verir.
Məlumata əsasən, Filadelfiya ştatında təşkil edilən yarışda Kobayaşi təxminən 20 min tamaşaçının qarşısında yarım saat ərzində 337 toyuq qanadı yeməyi bacarıb.
Yeni rekorda imza atan Kobayaşi 20 min dollarlıq mükafata sahib çıxıb.
Bu sahədə əvvəlki rekord kanadalı Conatan Skibə məxsus olub. Belə ki, o, ötən il yarım saata 225 toyuq qanadı yemişdi.