Bakı. Trend:
Misli Premyer Liqasında XI tur davam edir.
Trend İdman.biz-ə istinadən xəbər verir ki, ikinci oyun gününün matçları Bakıda baş tutub.
“Araz-Naxçıvan” “Zirə”ni qəbul edib. Liderlər qrupunda yer alan komandalar xal hesablarını zənginləşdirməyə çalışıblar. Tərəflər 1 xala razı olublar.
Günə “ASCO Arena”da yekun vurulub. Aşağı pillələrdə qərarlaşanların duelində "Səbail" “Sumqayıt”ı qəbul edib. Oyunun taleyini 1 qol həll edib. Qonaqlar 51-ci dəqiqədə fərqləniblər.
Qeyd edək ki, turun son iki oyunu sabah baş tutacaq.
Misli Premyer Liqası
16:00. “Araz-Naxçıvan” – “Zirə” - 1:1
Qollar: Santos, 89 (p.) - Papunaşvili 31
18:30. “Səbail” – “Sumqayıt” - 0:1
Qol: Silvanus Nimeli, 51