Azərbaycan, Bakı, 11 fevral/ Trend , müxbir C.Babayeva/ Bakı Türkiyənin vasitəçiliyi ilə Dağlıq Qarabağ münaqişəsinin nizamlanma üzrə planların hazırlanması barədə informasiyaları təkzib edir.
"Azərbaycan Dağlıq Qarabağın nizamlanması üzrə hər hansı bir gizli plan hazırlamır", - deyə çərşənbə günü Trend -a Azərbaycan Xarici İşlər Nazirliyinin (XİN) mətbuat katibi Xəzər İbrahim bildirib.
Türkiyənin "Hurriet" qəzeti guya Türkiyənin vasitəçiliyi ilə Dağlıq Qarabağın nizamlanması barədə razılaşma əldə olunduğu haqda məlumat verib.
İki Cənubi Qafqaz ölkəsi arasında münaqişə 1988 - ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994 -cü ildə tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki, nəticəsiz sülh danışıqları aparılır.
İbrahim bildirib ki, Azərbaycan ATƏT-in Minsk Qrupu çərçivəsində münaqişənin nizamlanması üzrə sülh danışıqlarını davam etdirir və problemin beynəlxalq hüquq normaları və dövlətin ərazi bütövlüyü əsasında həlli mövqeyinə sadiqdir.
"Hurriet"in məlumatına görə, Ermənistan işğal olunmuş altı rayonu mərhələli şəkildə Azərbaycana qaytarmağa hazırdır.
Qəzet yazır ki, Ermənistan tərəfi Dağlıq Qarabağa bitişik rayonları azad etməyə razılıq verib və "müəyyən dövr ərzində" Füzuli, Ağdam, Cəbrayıl, Qubadlı və Zəngilan rayonlarını Azərbaycana qaytarmaq barədə öhdəlik götürüb. Azərbaycan əhalisi işğal olunmuş ərazilərə qayıdacaq, region isə müvəqqəti administrasiyanın nəzarəti altına keçəcək, status təsdiq olunduqdan sonra isə Kəlbəcər də qaytarılacaq.
Türkiyə qəzetinin məlumatına görə, bunun qarşısında Azərbaycan Ermənistana gedən bütün quru nəqliyyat və dəmir yollarını açacaq, Ermənistan ilə Dağlıq Qarabağ arasında isə beynəlxalq sülhməramlı qüvvələr yerləşdiriləcək. "Hurriet" xəbər verir ki, sülhməramlı qüvvələin tərkibinə münaqişə tərəflərinin, həmçinin danışıqlar prosesinə cəlb edilən ölkələrin qüvvələri daxil
