...

MDB ümid edir ki, gələcəkdə Dağlıq Qarabağ münaqişəsi hər iki ölkənin maraqları nəzərə alınaraq həll olunacaq

Ermənistan-Azərbaycan münaqişəsi Materials 3 Aprel 2009 17:10 (UTC +04:00)

Azərbaycan, Bakı, 03 aprel / Trend , müxbir N.Abdullayeva /

MDB ümid edir ki, gələcəkdə Dağlıq Qarabağ münaqişəsi hər iki ölkənin maraqları nəzərə alınaraq həll olunacaq. Bu barədə cümə günü Trend -a MDB-nin İcraiyyə Komitəsinin sədr müavini Vladimir Qarkun elektron poçtla bildirib. 

Azərbaycan və Ermənistan dövlətlərinin prezidentləri münasibətlərin yeni qüvvə ilə gərginləşməsinə yol verməməyə çalışırlar. Və bu çox vacibdir", - deyə Qarkun bildirib.

Ötən ilin noyabr ayında Moskvada keçirilən Azərbaycan, Ermənistan və Rusiya dövlət başçılarının görüşündə münaqişənin nizamlanması üzrə keçirilən danışıqların fəallaşdırılması üçün yeni stimul verilmişdi. "Ümid edirik ki, gələcəkdə bu münaqişə hər iki ölkənin maraqları nəzərə alınaraq həll olunacaq", - deyə o, bildirib.

İki Cənubi Qafqaz ölkəsi arasında münaqişə 1988-ci ildə Еrmənistanın Azərbaycana qarşı ərazi iddiası irəli sürməsi zəminində yaranıb. 1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992-1993-cü illərdə Şuşa, Xocalı və Dağlıq Qarabağa bitişik yeddi rayon işğal olunub. 1994-cü ilin mayında tərəflər atəşkəs rеjiminə dair razılaşma əldə еdiblər və о vaхtdan bəri, ATƏT-in Minsk Qrupunun himayəsi altında, Rusiya,  Fransa və ABŞ-ın həmsədrliyi ilə hələ də nəticəsiz sülh danışıqları aparılır. 

"MDB İcraiyyə komitəsi hər bir dövlətlərarası münaqişənin sülh yolu ilə həlli tərəfdarıdır", - deyə Qarkun bildirib.

"Müharibələr və qırğınlar sadə insanların faciəsinə çevrilir, belə ki, hər bir münaqişənin nəticəsində günahsız sakinlər həlak olur, yüzlərlə insan evsiz-eşiksiz, uşaqlar yetim qalır. Buna görə də ölkələr arasında hər bir anlaşılmazlığı və problemi ağıllı dərrakə ilə, siyasi müdrikliklə və danışıqlar yolu ilə həll etmək lazımdır. MDB-nin İcraiyyə Komitəsi öz növbəsində belə bir problemin yarandığı təqdirdə bunun həll edilməsinə hər cür kömək göstərməyə hazırdır", - deyə MDB-nin İcraiyyə Komitəsinin sədr müavini bildirib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti