Azərbaycan, Bakı, 2 dekabr / Trend , müxbir K.Zərbalıyeva/
Azərbaycanda ötən ay 2 618 691 kvadratmetr ərazi mina və partlamamış hərbi sursatlardan (PHS) təmizlənib.
Bu barədə çərşənbə günü Trend -a Azərbaycan Ərazilərinin Minalardan Təmizlənməsi üzrə Milli Agentliyin (ANAMA) mətbuat xidmətindən məlumat verilib.
Əməliyyatlar zamanı 26 395 PHS və mina aşkar edilərək zərərsizləşdirilib. Əməliyyatlarda 425 mütəxəssis, 115 yardımçı heyət, 6 mexaniki minatəmizləmə maşını və 30 minaaxtaran it iştirak edib.
ANAMA tərəfindən indiyədək 118 320 758 kvadratmetr ərazi mina və PHS-lərdən təmizlənib. Tapılıb zərərsizləşdirilmiş mina və PHS-lərin sayı 530 787 olub.
ANAMA tərəfindən təmizləmə əməliyyatları Tərtər, Ağdam, Füzuli, Tovuz, Ağstafa, Göygöl rayonlarında və Bakı şəhərinin Qaradağ rayonunun ərazisində aparılır.
Noyabr ayında mina/PHS hadisəsi baş verməyib.
Məqalə müəllifi ilə əlaqə ünvanı: [email protected]