Azərbaycan, Bakı, 19 aprel /Trend, müxbir M.Əliyev/
Ukrayna ATƏT-ə qarşıdakı sədrliyi dövründə Dağlıq Qarabağ münaqişəsinin nizamlanmasını formal mövqelərdən tərpətmək üçün mümkün olan və olmayanı etmək məqsədilə maksimum səy göstərmək niyyətindədir. Trend-in məlumatına görə, bu barədə cümə axşamı Bakıda keçirdiyi brifinqdə Ukrayna Ali Radasının spikeri Vladimir Litvin bildirib.
Litvin qeyd edib ki, Ukrayna hazırda 2014-cü ildə ATƏT-ə sədrliyinə hazırlıq görür.
"Ukraynanın Dağlıq Qarabağ münaqişəsinə münasibətdə mövqeyi dəyişməzdir. Biz Azərbaycanın suverenliyi və ərazi bütövlüyünə ehtiram mövqeyində dayanır və təkid edirik ki, münaqişə sülh yolu ilə həll edilməlidir", - o deyib.