Azərbaycan, Bakı, 28 aprel / Trend müxbir K.Zərbalıyeva/
ATƏT son günlər gərgin vəziyyət müşahidə edilən qoşunların təmas xəttində monitorinq keçirəcək.
Azərbaycan Müdafiə Nazirliyinin mətbuat xidmətindən Trend-ə verilən məlumata görə, ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, aprelin 30-da Azərbaycan Respublikasının Qazax rayonunun Qızılhacılı kəndi yaxınlığındakı təmas xəttində monitorinq keçirilməsi planlaşdırılır.
Monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin ofisinin koordinatoru Piter Ki, şəxsi köməkçi Uilyam Prayor keçirəcəklər.
Təmas xəttinin qarşı tərəfində isə monitorinqi ATƏT-in fəaliyyətdə olan sədrinin səhra köməkçiləri Xristo Xristov və Jiri Aberle keçirəcəklər.
Qeyd edək ki, cəbhə xəttində atəşkəs rejimi son günlər intensiv şəkildə pozulur.