Azərbaycan, Bakı, 25 iyul /Trend/
Fransanın və Ermənistanın xarici işlər nazirləri Loran Fabuis və Edvard Nalbandyan iyulun 24-də Parisdə Dağlıq Qarabağ nizamlaması prosesini müzakirə ediblər. Trend-in məlumatına görə, bu barədə Mediamaks xəbər verir.
Nalbandyan Ermənistanın ATƏT MQ-nin həmsədri olan ölkələrin rəhbərlərinin Lakvildə, Muskokda, Dovildə və Los-Kabosda verdikləri bəyanatlar və təqdim etdikləri təkliflər əsasında danışıqları davam etdirməyə hazır olduğunu təsdiqləyib. Bu barədə Mediamaks Ermənistan XİN-ə istinadən xəbər verir.
Görüşdə Loran Fabuis və Edvard Nalbandyan İranın nüvə proqramı və Yaxın Şərqdəki vəziyyətə dair fikir mübadiləsi aparıblar.
Edvard Nalbandyan fransalı həmkarını Ermənistana səfərə dəvət edib.