Bakı. Rufiz Hafizoğlu - Trend:
Azərbaycan və Türkiyə erməni təcavüzkarlığı barədə faktları dünya ictimaiyyətinə birgə çatdırmalıdır.
Bunu Trend-ə “Türkiye gazetesi” qəzetinin köşə yazarı Cem Küçük deyib.
Onun sözlərinə görə, dünya ictimaiyyəti erməni təcavüzkarlığına laqeydliklə yanaşır və bunun nəticəsində Azərbaycan əziyyət çəkir.
O qeyd edib ki, dünyada Ermənistanın maraqlarını təbliğ edən ölkələr var.
C.Küçük vurğulayıb ki, Ermənistan dinc azərbaycanlı və türklərə qarşı soyqırım həyata keçirib.
Xatırladaq ki, iyulun 4-də axşam saatlarında erməni silahlı birləşmələri Füzuli rayonunun Alxanlı kəndini minaatanlardan atəşə tutub. Təxribat nəticəsində Alxanlı kənd sakinləri - 1966-cı il təvəllüdlü Quliyeva Sahibə İdris qızı və onun nəvəsi 2016-cı il təvəllüdlü Quliyeva Zəhra Elnur qızı həlak olub, 1965-ci il təvəllüdlü Quliyeva Sərvinaz İltifat qızı isə ağır yaralanıb.