Azərbaycan, Bakı, 08 fevral / "Trend müxbir R.Hafizoğlu/ Türkiyə universitetlərində müsəlman qadınların geyim tərzi olan baş örtüyünə qadağanın ləğvi, Türkiyənin Avropa Birliyinə qəbuluna süni maneə ola bilər. "Türkiyə universitetlərində baş ortüyünə olan qadağanın ləğvi nə vaxtsa Tükiyəyə basqı üçün istifadə edilə bilər" - deyə, Corc Vaşinqton Universitetinin eksperti, Türkiyənin keçmiş deputatı, Merve Kavakçı bildirib.
Fevralın dördündə Türkiyə parlamentində universitetlərdə baş örtüyünə olan qadağanın ləğvi ilə müzəkirədə qadağanın ləğvi ilk oxunuşda əksər deputatlar tərəfindən səsvermə zamanı bəyənildi. Fevralın beşində isə, Türkiyədəki Milli Hərəkat Partiyasının lideri Dəniz Baykal, Baş nazir Ərdoğanın ünvanına kəskin bəyanatlarla çıxış edərək, Konstitusiyada dəyişiklik edəcəyi təqdirdə, edam oluna biləcəyini bildirib.
"Türkiyə universitetlərində, baş örtüyünə olan qadağanın ləğvi, Türkiyənin Avropa Birliyinə daxil olmasına hal- hazırda əngəl ola bilməz "-deyə Kavakçı cümə günü Vaşinqtondan elektron poçt vasitəsilə Trend ə bildirib.
"Hazırki hökümətin bu problemi pilləli şəkilədə həl etməsi vaxt qazanmaq üçün atılan addımdır. Baş örtüyünə olan qadağa bütün universtetlərə şamil edilməyib. Hərbi məktəblərdə bu problemin hələ də qalması məsələnin tam həlli deyil"-deyə, ekspert bildirib. O, problemin tamamilə həll edilməməsininin gələcəkdə daha ciddi problemlərlə nəticələnəcəyini hesab edir.
Kavakçı Türkiyənin Milli Hərəkat partiyasının lideri Dəniz Baykalın, Baş nazir Ərdoğanın ünvanına söylədiklərini siyasi səhv hesab edir. "Dəniz Baykalın belə bir bəyanatla çıxış etməsi, öz siyasi nüfuzunu qorumaq üçündür. Hesab edirəm ki, belə bir bəyanat ilə Baş nazirin mövqeyi daha da güclənəcək", - deyə ekspert bildirib.
Tükiyəli politorloq Akif Əmrə isə, hesab edir ki, universtitetlərdə baş örtüyünə qadağanın tam aradan qaldırılmaması, Avropa Birliyinin sifarişi ilədir. "Avropa Birliyi Türkiyənin islami meylindən narahatdır. Baş örtüyü probleminin aradan qaldırılması dolayı yolla Avropa Birliyinin maraqlarına xidmət edir. Avropa Birliyi Türkiyənin bu quruma üzv olmaması üçün, gec-tez baş örtüyü məsələsini gündəmə gətirəcək"-deyə, cümə günü Əmrə İstanbuldan elektron poçtla Trend ə bildirib.
Əmrə hesab edir ki, bu problemin birdəfəlik həll edilməməsi, hökümətin bu məsələnin həllinə tam hazır olmaması ilə bağlıdır.
O, Milli Hərəkat Partiyasının Baş nazir Ərdoğanın ünvanına söylədiklərini siyasi səhv və şantaj kimi qiymətləndirib.
Türkiyədəki Avrasiya strateji araşdırmalar Mərkəzinin direktoru politoloq Arif Kəskin də, baş örtüyünə qadağanın ləğvinin,Türkiyənin Avropa Birliyinə daxil olmasına əngəl olacağını istisna etmir. "Baş örtüyünün vicdan və din azadlığından çıxarılaraq, siyasi dairələrə gətirilməsi Türkiyənin Avropa Birliyinə daxil olmasına əngəl olacaq" - deyə Kəskin cümə günü İstanbuldan telefonla Trend ə bildirib.
O, hesab edir ki, Milli Hərəkat Partiyası liderinin Baş nazir Ərdoğanın ünvanına söylədikləri sərt olsa da, bu, ölkədə baş verə biləcək hər hansı bir hərbi çevriliş mənasına gəlmir.
Türkiyəli müstəqil vəkil Elif Koşaroğlu isə, hesab edir ki, baş örtüyü probleminin həlli Türkiyənin Avropa Birliyinə daxil olmasına əngəl olmayacaq.
"Baş örtüyü din və vicdan azadlığıdır. Bu problemin aradan qaldırılması Avropa Birliyinə üzv olmağa əngəl olmayacaq. Avropanın özündə belə, baş örtüyü ilə təhsil alan müsəlman qadınlar var" - deyə, cümə günü Koşaroğlu,İstanbuldan Trend ə telefonla bildirib. O hesab edir ki, Milli Hərəkat partiyasının lideri, Dəniz Baykalın bəyanatları sərt olsa da, hərbi çevriliş olması mümkün deyil.
Türkiyədə qadınların baş örtüyü ilə ali məktəblərə və rəsmi dövlət müəssisələrinə daxil olması qadağan idi. Təhsil almaq istəyən dindar qadınlar baş örtüyünü açmaq məcburiyyətində idilər.Fevralın 9-da Türkiyə parlamentində baş örtüyünə qadağanın ləğvinin ikinci oxunuşu gözlənilir.
1960-cı ildə Türkiyənin Baş naziri Adnan Menderes, apardığı islamyönlü siyasət nəticəsində, ölkədə baş verən hərbi çevrilişdən sonra edam edilib.
