Azərbaycan, Bakı, 08 fevral / "Trend , müxbir R.Hafizoğlu, R.Abdullayev/ "Fəth"in mətbuat katibi hesab edir ki, Fələstindəki İslami müqavimət təşkilatı "Həmas" lideri İsmail Haniyənin Türk xalqının dəstiəyinə ehtiyacları olduğunu söyləməsi Türkiyənin İsrailə siyasi təzyiq məqsədi daşımır.
"İsmail Haniyənin belə bir bəyanatla çıxış etməsi Türkiəyə komplimentdir"- deyə, "Fəth" təşkilatının mətbuat katibi Fəhmi cümə günü Ramallahdan telefonla Trend ə bildirib.
Fevralın 7-də Türkiyənin "Dünyabulteni" İnformsiya Agentliyinin verdiyi məlumata görə, "Həmas" təşkilatının lideri İsmail Haniyə türk xalqına mürəciət edərək, siyasi dəstəyə ehtiyacları olduğunu bildirib.
Əl-Zəarir Haniyənin bu bəyanatının Qəzzədə blokadadan əziyyət çəkən fələstinlilərə Türk humanitar təşkilatlarının yardım etdikləri üçün söylədiyini hesab edir. ""Həmas" liderinin Türkiyədən siyasi dəstək istəməsi ilə Türkiyənin İsrailə siyasi təzyiq edəcəyini gözləmək mümkün deyil"-deyə Zəarir vurğulayıb.
"Türkiyə ilə İsrail strateji müttəfiqdirlər. Ankara İsraili öz sadiq müttəfiqi kimi qəbul edir" - deyə, Türkiyənin İsraildəki səfiri Namiq Tan cümə axşamı telefonla Trend ə bildirib.
Tanın fikrincə, Türkiyə-İsrail əməkdaşlığı, Ankaraya reqionda, o cümlədən ərəb dünyası ilə xüsusi sülh missiyasını yerinə yetirməyə imkan verir.
Tan hesab edir ki, İsrail ilə Türkiyə hərbi və iqtisadi sahədə əməkdaşlıq etsələr də, ərəb ölkələri ilə də müxtəlif sahələrdə əməkdaşlıq edir. Bizə fələstinlilər, israillilər, eləcə də ərəb ölkələrinin təmsilçiləri etibar edirlər. Əlimizdə olan bu imkandan sülhün bərqərar olması üçün istifadə edə bilərik"-deyə,Tan qeyd edib.
Onun fikrincə,Türkiyə Yaxın Şərqdəki böhranın həlli üçün, vasitəçilik missiyasını yerinə yetirə biləcək yegənə ölkədir.
"Türkiyə, Şərq ilə Qərb, müxtəlif dinlər və sivilizasiyalar arasında körpü rolunu oynaya bilən potensial imkanlı dövlətdir"-deyə, Tan bildirib.