Azərbaycan, Bakı, 26 fevral / Trend , müxbir K.Ramazanova/ Avropa Şurasının Vensiya Komissiyası hesab edir ki, Azərbaycanın erməni mənşəli vətəndaşları səs hüququna malikdirlər və seçkilərdə iştirak etməlidirlər.
"Etnik mənşəyindən asılı olmayaraq, ölkənin hər bir vətəndaşı seçkilərdə iştirak etmək hüququna malikdir" - deyə çərşənbə axşamı Trend a Strasburqdan telefonla Venesiya Komissiyasının nümayəndəsi Sergey Kuznetsov bildirib.
Azərbaycan Mərkəzi Seçki Komissiyasının rəhbəri Məzahir Pənahov əvvəllər bildirib ki, Azərbaycanın Dağlıq Qarabağda yaşayan erməni mənşəli vətəndaşları seçki hüququ ilə təmin edilməlidir və Azərbaycan bunu etməyə hazırdır.
Azərbaycanda oktyabrda gözlənilən prezident seçkiləri ilə əlaqədar yanvarın əvvəlindən seçki məntəqələrində seçici siyahılarının müəyyənləşdirilməsinə başlanılıb. Bu proses aprel ayının sonunda başa çatacaq. Pənahovun sözlərinə görə, Azərbaycan Ermənistan Silahlı Qüvvələrinn işğalı altında olan Dağlıq Qarabağ ərazisində seçici siyahılarının müəyyənləşdirilməsi məsələsində beyənlxalq təşkilatların köməyindən istifadə etmək qərarına gəlib. Lakin o, beynəlxalq təşkilatları passivlikdə günahlandırıb.
Venesiya Komissiyası Azərbaycan tərəfinə yalnız tövsiyələrlə kömək etməyə hazırdır.
"Mənə elə gəlir ki, bu məsələdə seçkilərin keçirilməsinə dair tövsiyələr toplusuna istinad etmək olar" - deyə Kuznetsov bildirib.
Ötən il122 saylı Xankəndi Seçki Dairəsində 4218 seçici qeydiyyata alınıb. Xankəndidə doqquz məntəqə fəaliyyət göstərir.