Azərbaycan, Bərdə, 04 mart / Trend , müxbir Ş.Cəliloğlu/ Tərtər rayonunda Müdafiə Nazirliyinə məxsus ərzaq məhsullarının satışı aşkarlanıb. Rayonun polis şöbəsindən çərşənbə axşamı Trend un bölgə müxbirinin məlumatına görə, martın 4-də keçirilən əməliyyat tədbirləri nəticəsində Müdafiə Nazirliyinə məxsus satışı qadağan olan ərzaq məhsullarının alqı-satqısı ilə məşğul olan rayon sakini, 1957-ci il təvəllüdlü İlham Məhəmməd oğlu Ələkbərov tutulub.
Aparılan əməliyyat zamanı Ələkbərova məxsus olan evdən 31 toyuq, 4 kisə qarabaşaq, 53 balıq konservi, 6 ədəd 2 litrlik yağ tapılıb.
Faktla əlaqədar Tərtər rayon Hərbi Prokurorluğunda araşdırma aparılır.
Azərbaycan Müdafiə Nazirliyi əlavə məlumat verməkdən imtina edib.