Azərbaycan, Bakı, 12 mart / Trend ", müxbir Q.Cəbiyev/ Azərbaycanın müxalif "Azadlıq" bloku seçki komissiyalarının tərkibi paritet əsasda formalaşmasa belə, prezident seçkisində iştirak edə bilər. Bu barədə çərşənbə günü jurnalistlərə blokun üzvü, AXCP sədri Əli Kərimli məlumat verib.
Azərbaycanda prezident seçkisi oktyabrda keçiriləcək.
Üç müxalifət Xalq Cəbhəsi, Liberal və Vətəndaş və İnkişaf partiyalarının təmsil olunduğu "Azadlıq" bloku seçki komissiyalarının tərkibi dəyişməyəcəyi, müxalifətə seçki kampaniyasına qədər aksiyalar keçirmək üçün yeni yerlər ayrılmayacağı, həmçinin televiziyalarda müxalifətə efir vaxtı verilməyəcəyi halda seçkini boykot etmək istəyini açıqlayıb.
Kərimli deyib ki, blokun seçkidə iştirak məsələsinin hansı şərtlər daxilində mümkün olduğunu bildirib. "Ola bilsin ki, ən azı bir neçə televiziyada seçki kampaniyasına qədər müxalifətə yer ayrılsın. O halda biz güzəştə gedə bilərik. Bundan başqa, sərbəst toplaşmaq məsələsində heç bir məhdudiyyət olmasa, seçkidə iştirak məsələsinə yenidən baxa bilərik" Kərimli əlavə edib.
Kərimli hesab edir ki, dövlət üçün əhəmiyyətli olan bir neçə yerdə aksiyaların keçirilməsinə icazə verilməyə bilər. Amma digər yerlərdə aksiyaların keçirilməsinə icazə verilsə, seçkiyə getmək üçün əsas yarana bilər.