Azərbaycan, Bakı, 19 mart / Trend , müxbir C.Babayeva/ Azərbaycanın müxalifət partiyalarının gənclər təşkilatlarının "Biz" koalisiyası dağıla bilər. Bu barədə çərşənbə günü Trend a koalisiyada təmsil olunan Azərbaycan Gənclər Platformasının baş koordinatoru Nurəddin Babayev məlumat verib.
Koalisiyada Azərbaycanın Liberal, Demokrat, Xalq Cəbhəsi, Müsavat, Milli İstiqlal partiyalarının gənclər təşkilatları və müstəqil gənclər təşkilatları təmsil olunur. Koalisiyasının təsis olunmasında əsas məqsəd Azərbaycanın demokratik inkişafında gənclərin rolunu artırmaqdır.
Bu gün koalisiya Bakıda etiraz aksiyası keçirməyi planlaşdırırdı. Aksiya Azərbaycanın bəzi müxalifət partiyalarının gənc fəallarının aksiyada iştirak etməkdən imtina etməsi səbəbindən təxirə salınıb.
Etiraz aksiyasının məqsədi Azərbaycan cəmiyyətinin diqqətini mövcud aktual siyasi problemə artırmaq idi.
Babayevin sözlərinə görə, son anda Demokrat Partiyasının sədri partiyasının gənc fəallarına bugünkü aksiyaya qoşulmağa icazə verməyib. "O bu qərarının səbəbini partiyanın gənc fəallarını təhlükəyə atmamaq istəyi ilə izah edib. Belə ki, planlaşdırılmış aksiya sankiyalaşdırılmamış idi" - deyə Babayev bildirib.
Onun sözlərinə görə, Milli İstiqlal Partiyasının gənclər təşkilatı da etiraz aksiyasında iştirakdan imtina edib.
"İki gənclər təşkilatı aksiyada iştirakdan imtina etdiyinə görə etiraz aksiyası qeyri-müəyyən vaxta qədər təxirə salınıb" - deyə Babayev qeyd edib. O, baş koordinatoru olduğu Azərbaycan Gənclər Platformasının "Biz" koalisiyasının üzvlüyündən çıxacağını istisna etməyib.