Azərbaycan, Bakı, 31 mart / Trend , müxbir K.Ramazanova/ Avropa İttifaqının Cənubi Qafqaz üzrə xüsusi nümayəndəsi Piter Semnebi aprel ayında Azərbaycana səfər edəcək. Bu barədə bazar ertəsi Bakıda Avropa Komissiyasının Azərbaycandakı yeni səfiri Alan Vadams məlumat verib.
Semnebi Azərbaycanın hökumət nümayəndələri və vətəndaş cəmiyyəti ilə görüşlər keçirəcək, həmçinin Azərbaycanın işğal olunmuş ərazilərinə səfər məsələsini müzakirə edəcək. "O həmçinin, həssas məsələ olan Dağlıq Qarabağa səfər məsələsini də müzakirə etmək niyyətindədir" - deyə Vadams bildirib.
Ötən ilin sonunda Azərbaycan və Aİ Qonşuluq Siyasəti çərçivəsində Fəaliyyət Planını təsdiq edib.
Aİ dövlətə 92 mln. dollar ayırıb.
Azərbaycan və Aİ həmçinin energetika sahəsində Memorandum imzalayıblar.
Müəlliflə əlaqə saxlamaq üçün elektron ünvan : trend
