Fransa, Strasburq, 17 aprel / Trend , müxbir A.Məhərrəmli/ Avropa Şurasının insan haqları üzrə komissarı Tomas Hammarberq Azərbaycan Respublikasının Insan Haqları Ombudsman Aparatının dəvəti ilə 18-19 may 2008-ci il tarixində Bakıya səfər etməyi planlaşdırır. Bu barədə Trend ə cümə axşamı açıqlamasında Hammarberq özü məlumat verib.
Səfər çərçivəsində o, Azərbaycan rəsmiləri ilə görüşəcəyini, oktyabrda keciriləcək prezident seckiləri, söz və mətbuat azadlığı, "siyasi məhbus" hesab edilən şəxslərlə baglı məsələləri müzakirə etməyi planlaşdırır.
Həmçinin əlavə edib ki, Azərbaycanda insan haqlarının vəziyyətinə dair hazırladığı məruzəni 20 fevral 2008-ci il tarixində AŞ Nazirlər Komitəsinə təqdim edib. O bildirib ki, sözügedən hesabatda Azərbaycanda insan haqları sahəsində əldə edilmiş irəliləyişləri qeyd etməklə yanaşı, mövcud catışmazlıqları və problemləri də vurğulayıb.
Hammarberq Azərbaycanda insan haqları sahəsində vəziyyətlə tanış olmaq üçün 3-7 sentyabr 2007-ci il tarixində ölkəyə dəyərləndirmə səfəri edib və səfəri ilə bağlı hesabatı 20 fevral 2008-ci il tarixində AŞ Nazirlər Komitəsinə təqdim edib.
