Azərbaycan, Bakı, 22 may/ Trend , müxbir S.Ağayeva/ Praqada Azərbaycan və Çexiya arasında siyasi məsləhətləşmələr keçirləcək. Məsləhətləşmələr mayın 23-24-də, Azərbaycan xarici işlər nazirinin müavini Araz Əzimovun Çexiyaya səfəri çərçivəsində keçiriləcək. Bu barədə Trend -a cümə axşamı Azərbaycanın Çexiyadakı səfiri Tahir Tağızadə telefonla Praqadan məlumat verib.
Əzimovun Çexiyanın xarici işlər nazirinin birinci müavini Tomas Pojar, Vışeqrad dördlüyündə Çexiyanın Milli Koordinatoru İrji çisiçki və parlamentin xarici əlaqələr komitəsinin sədri Yan Xomaçeklə gşrüşü planlaşdırlıb.
Danışıqlarda əsas diqqət iki ölkənin siyasi əməkdaşlığının inkişafı məsələlərinə ayrılacaq.
İkitərəfli və çoxtərəfli formatlarda siyasi əməkdaşlıq perspektivlərini nəzərdən keçirmək planlaşdırılır. Səfir bildirib ki, Azərbaycan və Çexiya iyunadək "Demokratiya və iqtisadi inkişaf tərəfdarı olan təşkilat- GUAM"a və "Vışeqrad dördlüyü"nə sədrlik edən iki ölkə kimi iki strukturun əməkdaşlıq imkanlarını nəzərdən keçirməyə hazırdırlar.
Vışeqrad qrupu zəngin beynəlxalq təcrübəyə malikdir və GUAM bu təşkilatla əməkdaşlığın inkişafında maraqlıdır. Digər tərəfdən, Litva prezidentinin təşəbbüsü ilə Avropa İttifaqında GUAM dostları qrupu yaradılır və Çexiya GUAM çərçivəsində əməkdaşlığa böyük maraq göstərir.
Vışeqrad qrupu 1991-ci ilin fevralında, Avropa və Avroatlantik strukturlara inteqrasiya zamanı ona daxil olan üç dövlətin - Macarıstan, Polşa və Çexoslovakiyanın qarşılıqlı yardım məqsədilə yaradılıb. Çexoslovakiyanın parçalanmasından sonra Vışeqrad üçlüyü dördlüyə çevrilib.
GUAM-ın formatı 1997-cu ildə Avropa İttifaqının dövlət başçılarının Strasburq görüşü ərəfəsində yaradılıb. 1999-cu ildə Özbəkistan bu formata daxil olsa da, dörd ildən sonra onu tərk edib. 2006-cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf tərəfdarı olan təşkilat- GUAM" kimi elan olunması haqda qərar qəbul olunub.
Müəlliflə əlaqə saxlamaq üçün elektron ünvan : [email protected]
