...

Azərbaycanın müxalif partiyasının qurultayının vaxtı müəyyənləşib

Siyasət Materials 7 İyun 2008 11:49 (UTC +04:00)

Azərbaycan, Bakı, 07 iyun/ Trend , müxbir E.Babayev/ Müxalif Azərbaycan Xalq Cəbhəsi Partiyasının (AXCP) qurultayının vaxtı müəyyənləşib. "Hesablamalarımıza əsasən, qurultay sentyabr ayına təsadüf edəcək", - deyə şənbə günü Trend -a AXCP-nin sədr müavini, bu partiyanın qurultaya hazırlıq üzrə Təşkilat Komitəsinin üzvü Həsən Kərimov bildirib.

Trend -un arayışı: AXCP hazırda "Azadlıq" siyasi blokunun üzvü və həmtəsisçisidir. Partiyanın qurucusu və 2000-ci ilə qədər sədri Azərbaycanın eks-prezidenti mərhum Əbülfəz Elçibəy olub. 2000-ci ildən indiyədək AXCP-yə keçmiş dövlət katibi, sabiq deputat Əli Kərimli sədrlik edir.

Kərimov partiyanın qurultayının bu ilin payızında keçiriləcək prezident seçkisindən sonraya saxlanıldığı barədə məlumatları təsdiq etməyib. "Qurultayımız seçkiyə qədər mütləq keçiriləcək. Hazırda partiyanın rayon təşkilatlarında qurultaya hazırlıq üzrə konfranslar keçirilir. Rayonlarda yerli icra strukturları tərəfindən konfransların keçirilməsinə müəyyən maneələr törədilir və bu da işlərimizi bir qədər ləngidir", - deyən Kərimovun sözlərinə görə, qurultayda partiyanın sədri hesabat verəcək. Bundan sonra partiyanın sədri və Nəzarət-Təftiş Komissiyası seçiləcək. "Hazırda partiya sədrliyinə iddialılar yoxdur. Ancaq istisna deyil ki, qurultayda kimsə Əli Kərimliyə alternativ olsun", - deyə o bildirib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti