Azərbaycan, Bakı, 18 iyun/ Trend , müxbir E.Babayev/ Azərbaycanın eks-prezidenti, mərhum Əbülfəz Elçibəyin 70 illik yubileyi ilə bağlı "Elçibəy aydınların gözü ilə" mövzusunda keçirilən Dəyirmi masada ziyalılar müxalifət liderlərini bir-birlərinə böhtan atmaqda ittiham ediblər. "İsa Qəmbər və Əli Kərimli arasında didişmələr bitməlidir", xalq şairi Ramiz Rövşən deyib.
Trend -un arayışı: Azərbaycan Xalq Cəbhəsi Partiyasının (AXCP) sədri Kərimli və Müsavat Partiyasının başqanı Qəmbər mətbuata verdiyi açıqlamada bir-birlərini hakimiyyətə işləməkdə suçlayıb.
Rövşən hər iki lideri bir-birlərinə böhtan atmaqdan çəkinməyə çağırıb. Qəmbər Rövşənin sözlərini böyük dostunun iradları kimi qəbul edib və bu mövzuda diskusiya açmayacağını deyib.
Tədbirdə Elçibəyin siyasi fəaliyyəti ilə bağlı çıxışlar olub.
Məqalə müəllifi ilə əlaqə ünvanı: [email protected]
