Azərbaycan, Bakı, 01 iyul / Trend , müxbir S.İlhamqızı/ Ankarada polislərin bu gün səhər saatlarında həyata keçirdiyi "Ergenekon" əməliyyatı çərçivəsində Türkiyənin bir neçə yüksək rütbəli hərbçisi həbs olunub. Bu barədə Türkiyə KİV-ləri məlumat yayıb.
Ankara Ticarət Palatasının rəhbəri Sinan Aygün, Atatürkçü Düşüncə Dərnəyinin sədri, təqaüdçü general, sabiq baş jandarma komandanı Şenər Əruyğur, təqaüdçü general, sabiq ordu komandanı Xurşid Tolon və "Cümhuriyyət" qəzetinin Ankara təmsilçisi Mustafa Balbal saxlanılıblar.
Adları çəkilən şəxslər bu gün səhər saatlarında Ankara Polis İdarəsinin terrorla mübarizə şöbəsinin əməkdaşları tərəfindən öz evlərində həbs ediliblər. Polis əməkdaşları bu əməliyyatın İstanbul Baş Prokurorluğunun təlimatı əsasında həyata keçirildiyini bildiriblər. Polis "Cümhuriyyət" qəzetinin Ankara bürosunda da araşdırmalar aparıb.
Son məlumatlara görə, həbs edilən şəxslərin sayı 7 nəfərə çatıb.
Məqalə müəllifi ilə əlaqə saxlamaq üçün elektron ünvan [email protected]
