...

Iran və ABŞ arasında qeyri-rəsmilərin vasitəçiliyi səmərəsizdir- ekspertlər

Siyasət Materials 14 Avqust 2008 20:33 (UTC +04:00)

İran, Tehran, 14 avqust, Trend , müxbir R.Azadbəxş, T.Cəfərov/ İran və ABŞ arasında o qədər qəliz və dərin münaqişələr mövcuddur ki, bəzi qeyri-rəsmi şəxslərin vasitəçilik cəhdi tamamilə nəticəsiz olacaq. "Iran və ABŞ arasında lobbilərin vasitəçiliyi səmərəsizdir - deyə, Londonda fəaliyyət göstərən İran-Ərəb Tədqiqat Mərkəzinin sədri Əlirza Nurizadə Trend -a bildirib.

İranın Karqozaran qəzetində yayılan bir məqalədə, "İran-Amerika Şurası"nın sədri Huşəng Əmirəhmədinin İran, İsrail və Amerikaya davamlı səfərləri haqda məlumat verib. Məqalədə, Əhmədinin Əhmədinejadın müavinləri və İsrailin Nəqliyyat Naziri Şaol Mofazla görüşdüyü bildirilib.

Iranlı ekspert Nurizadə cümə axşamı telefonla Londondan bildirib ki, Əmirəhmədi 20 ilə yaxındır ki, özünü İran və ABŞ arasında lobbiçilik edən bir şəxs kimi qələmə verir. "O, bu işdə İran və ABŞ arasında əlaqələrin yaxşılaşmasına deyil, özünün siyasi şəxs kimi qələmə verməyə çalışır. Əmirəhmədi İranın prezidenti olmaq istəyir" - deyə, Nurizadə bildirib.

ABŞ -ın müxtəlif diplomatik yolları və dost ölkələri var ki, İranla da münasibətləri yaxşıdır. ABŞ İranla öz münasibətlərini Yaponiya, İtaliya, Malaziya, Səudiyyə Ərəbistanı kimi ölkələr vasitəsi ilə bərpa edə bilər Əmirəhmədi kimi şəxslərə ehtiyacı yoxdur - Nurizadə deyib

"Təhkim vəhdət" Təşkilatının üzvü və siyasi ekspert Əli Siyasi bildirib ki, İran və Amerika gizli və aşkar əlaqələr qurmaq üçün çoxlu potensiala malikdir və bu əlaqələri yaratmaq üçün Əmirəhmədi kimi şəxslərə ehtiyacı yoxdur.

Onun sözlərinə görə, Əmirəhmədi iddia edir ki, Amerika - İran dostluğu üçün çalışdığından, Əhmədinejad tərəfindən İrana dəvət olunub və iki ölkə arasında əlaqələrin möhkəmlənməsinə çalışır. "Əmirəhmədi iddia edir ki, Əhmədinejad ABŞ və İran münasibətlərinin qurulmasına zidd deyil. Onun problemi İsraillədir. Mən bu səbəbdən İranın hazırkı dövlətinə kömək edirəm"-deyə Siyasi əlavə edib ki, Əmirəhmədinin səyi nəticəsiz olacaq.

Siyasi hesab edir ki, Əmirəhmədinin sözlərinin İran rəsmiləri tərəfindən təkzib olunmaması bunu göstərir ki, rəsmi Tehranın beynəlxalq səviyyədə yaratdığı çıxılmaz vəziyyətdən qaçmaq üçün müxtəlif yollar axtarışında olub və Əmirəhmədini bu məqsədlə işəcəlb edib, amma bu, çıxış yolu deyil. Bu ,siyasi addımdan daha çox biznes və dəllalıqdır - deyə Siyasi bu gün Tehrandan bildirib.

Siyasinin sözlərinə görə, İran və ABŞ arasında əlaqələrin qurulması qərarını yüksək vəzifəlilər verməlidir. İki ölkə arasında əlaqələrin bərpası Əmirəhmədi kimi şəxslərin baxışlarından kənardır.

Nurizadə hesab edir ki, Əmirəhmədinin nə amerikalıların və nə də iranlıların yanında heç bir vəzifəsi yoxdur. İran eksperti hesab edir ki, İran bu cür şəxslərdən istifadə edir. Əmirəhmədinin İrana gediş - gəlişi və ABŞ qəzetlərində "ABŞ İrana qarşı siyasətini dəyişməlidir" başlığı ilə məqalələr yazmasının İrana heç bir ziyanı yoxdur.

Daxili məsələlər üzrə ekspert İsa Səhərxiz isə, İranın hazırkı prezidentinin, mühafizəkarlığı və beynəlxalq ictimaiyyətdə problemlərə tuş gəlməsi ucbatından, Əmirəhmədiyə dəyər verdiyini bildirir. Onun sözlərinə görə, İran və ABŞ rəsmiləri arasında bir sıra gizli görüşlərin keçirilməsi istisna olunmur. "Əmirəhmədinin bu ortada bəzi səyləri və görüşləri olur, lakin, problemlər iki ölkənin rəsmiləri arasında müzakirə olunmalıdır" - deyə, Səhərxiz Trend -a açıqlamasında bildirib.

Məqalə müəllifi ilə əlaqə saxlamaq üçün elektron ünvan [email protected]

Xəbər lenti

Xəbər lenti