Azərbaycan, Bakı, 17 oktyabr / Trend , müxbir A.Hüseynbala/ Azərbaycanın müxalifət partiyalarının yaratdığı Demokratiya Uğrunda İttifaqın (DUİ) gələcəkdə seçki blokuna çevrilməsi nəzərdə tutulmur.
"İttifaqın genişlənməsi gündəmdədir və bu istiqamətdə müzakirələr aparılır. Ancaq İttifaq bloka çevrilməcək" - cümə günü Trend - a Klassik Xalq Cəbhəsi Partiyasının (KXCP) sədri Mirmahmud Mirəlioğlu deyib.
Trend - un arayışı: Demokratiya Uğrunda İttifaqda müxalifətçi Klassik Xalq Cəbhəsi, Azadlıq və Milli Demokratiya partiyaları təmsil olunur. İttifaq bu partiyaların məşvərət və əməkdaşlıq qurumudur.
Böyük Azərbaycan Partiyası sonradan İttifaqa üzv qəbul edilib.
"İndi bir sıra partiyalarla danışıqlar aparılır. Onların quruma üzvlüyü məsələsi tam yekunlaşmadığından, həmin partiyaların adlarının çəkilməsi məqsədəuyğun hesab olunmur" - KXCP sədri deyib.
KXCP sədri müxalifətin daha geniş koalisiyasını yaratmağın bu gün vacib olduğunu xatırladıb.
Məqalə müəllifi ilə əlaqə ünvanı: [email protected]
