Azərbaycan, Bakı, 11 noyabr/ Trend , müxbir A.Hüseynbala/ Azərbaycanın müxalif Böyük Millət Partiyası (BMP) bərpa olunacaq.
"Demokratik Azərbaycan Dünyası Partiyasının sədri Məmməd Əlizadə istefa verən partiya üzvləri ilə barışığa razılaşmadığından, belə qərara gəlmişəm", - çərşənbə axşamı Trend Xəbərlər Şirkətində keçirilən mətbuat konfransında BMP - nin keçmiş sədri Samir Adıgözəlli bildirib.
Trend - un arayışı: Hakimiyyətyönlü Demokratik Azərbaycan Dünyası Partiyası (DADP) 1992 -ci ildə təsis olunub və 1993 - cü ildə Ədliyyə Nazirliyi tərəfindən dövlət qeydiyyatına alınıb. Təşkilata Məmməd Əlizadə rəhbərlik edir. Partiya 1993 - cü ildə hakimiyyətə gələn Yeni Azərbaycan Partiyasının siyasətini dəstəkləyir.
Müxalifəti təmsil edən Böyük Millət Partiyası 1999 - cu ildə yaradılıb. Adıgözəlli DADP Siyasi Şurasının noyabrın 8 - də keçirilən iclasında sədr müavini vəzifəsindən istefa verib.
Onun sözlərinə görə, DADP - dən istefa verən bir qrup şəxs bundan sonrakı siyasi fəaliyyətlərini BMP - də davam etdirəcəklər: "Partiyanın bərpa qurultayının keçirilməsi üçün Təşkilat Komitəsi yaradılıb. Qurultayda Nizamnaməyə əlavə və dəyişikliklər nəzərdə tutulur", - Adıgözəlli deyib.
Adıgözəlli bərpa qurultayının dekabrın əvvəllərində keçiriləcəyini bildirib.
Məqalə müəllifi ilə əlaqə ünvanı: [email protected] .
