Gürcüstan, Tbilisi, 18 noyabr/ Trend müxbir N.Kirtsxaliya/ Estoniya Silahlı Qüvvələrinin nümayəndələri Gürcüstanın Müdafiə İdarəsinə baş çəkiblər.
Estoniya nümayəndə heyətinə bu ölkənin Baş qərərgah rəisinin müavini, polkovnik-leytenant Rixo Terras başçılıq edib.
Gürcüstan Müdafiə Nazirliyinin mətbuat xidmətindən verilən məlumata görə, qonaqları müdafiə nazirinin birinci müavini Batu Kuteliya və Beynəlxalq Münasibətlər və Avrointeqrasiya Departamentinin rəhbəri Nino Bakradze qəbul edib.
Tərəflər hərbi sahədə ikitərəfli əməkdaşlıq planını müzakirə ediblər. Avqust hadisələri və Gürcüstanın NATO -ya üzvlük perspektivləri də müzakirə olunub.
Kuteliya siyasi və əməli dəstəyə görə qonaqlara təşəkkürünü bildirib.
Estoniyanın nümayəndə heyəti səfər çərçivəsində Quru Qoşunları komandanı, polkovnik- leytenant Zurab Aqladze və quru qoşunları bölmələrinin komandanı ilə də görüş keçirib.
Məqalə müəllifi ilə əlaqə ünvanı - [email protected]