Azərbaycan, Bakı, 19 noyabr / Trend , müxbir İ.Əlizadə/ Azərbaycan parlamenti noyabrın 25 - də ölkənin 2009 - cu il üzrə büdcəsinin təsdiq olunması məsələsinə baxacaq. Bu barədə çərşənbə günü Trend - a parlamentin mətbuat xidmətindən məlumat verilib.
Trend -un arayışı: Azərbaycanın 2009 - cu il dövlət büdcəsinin gəlirləri 12 milyard 177 milyon manat, xərcləri isə 12 milyard 355 milyon manat proqnozlaşdırılır. Dövlət büdcəsinin xərcləri ÜDM-in 28,3 faizini təşkil edəcəkdir ki, bu da 2008 - ci illə müqayisədə 1,4 faiz çoxdur. Qarşıdakı il üçün icmal büdcənin gəlirləri 22 milyard 680 milyon manat, xərcləri 14 milyard 758 milyon manat olacaq.
Parlament noyabrın 11- dən 14 - dək dövlət büdcəsini müzakirə edib.
Mətbuat xidmətindən bildirilib ki, parlamentin iclasında hökumət nümayəndələri, büdcəyə daxil edilməsi üçün deputatların verdikləri təkliflərə münasibət bildirəcəklər.
Məqalə müəllifi ilə əlaqə ünvanı: [email protected]
