Azərbaycan, Bakı, 25 noyabr / Trend , müxbir İ.Əlizadə/ Azərbaycan parlamenti 2009-cu ildə hərbi və müdafiə xərclərinin artırılmasını təsdiqləyib.
Parlamentin çərşənbə axşamı keçirilən iclasında 2009-cu ildə müdafiə və təhlükəsizlik sahəsinə iki milyard manatdan artıq (2,2 milyard dollara yaxın) maliyyə vəsaitinin ayırılmasını nəzərdə tutan qanun layihəsi təsdiqlənib.
Trend -un arayışı: 2008-ci ildə Azərbaycanın müdafiə və təhlükəsizlik xərcləri 1,5 milyard manat (1,850 milyard dollar) olub.
2003-2008-ci illərdə müdafiə və təhlükəsizlik xərcləri 4,5 milyard dollar olub. 2003-2009-cu illərdə isə bu xərclər 7 milyard dollar təşkil edəcək.
Müdafiə və təhlükəsizlik sahəsinə ayrılan maliyyə vəsaitinin investisiya hissəsində yeni hərbi-texniki avadanlıqların alınması nəzərdə tutulub.
Məqalə müəllifi ilə əlaqə ünvanı: [email protected]