Əfqanıstan, Kabil, 27 noyabr/ Trend , müxbir A.Hakimi/ Əfqanıstanın Andar şəhərində yol kənarında basdırılmış minanın partlaması nəticəsində bir nəfər ölüb, altı nəfər isə yaralanıb. Bu barədə cümə axşamı Qəzni əyalətinin meri məlumat verib.
"Andar şəhərinin Baqsultan rayonunda polislərin apardığı reyd zamanı yolun kənarında basdırılmış minanın partlaması nəticəsində bir polis əməkdaşı həlak olub, altı nəfər isə yaralanıb", - deyə Trend -a Qəzni əyalətinin Andar şəhərinin meri Əbdurrəhim Disval bildirib.
Onun sözlərinə görə, yaralıların vəziyyəti qənaətbəxşdir.
Andar şəhərinin təhlükəsizlik bölməsinin baş komandiri Novruz Əli Mahmudzadə Trend -a bildirib ki, daha bir minanın partlaması nəticəsində isə iki nəfər xəsarət alıb.
Lakin "Taliban" hərəkatının nümayəndəsi Trend -a bildirib ki, iki partlayış nəticəsində altı nəfər həlak olub.
Məqalə müəllifi ilə əlaqə ünvanı: trend