Azərbaycan, Bakı, 30 dekabr/ Trend , müxbir B.Həsənov/İslam Konrfansı Təşkilatı Parlament Assambleyasında Türkiyə Qrupunun sədri İrfan Gündüz Türkiyə parlamentinin yeni il tətilindən sonra Qəzzə hadisələri ilə bağlı bəyanatının gözlənildiyini bildirib.
"Qəzzədəki hadisələrə tamaşa etmək olmaz. Bütün ölkələr bu soyqırıma son qoymağı tələb etməlidirlər", - deyə Gündüz çərşənbə axşamı Ankaradan telefonla Trend - a bildirib.
Dekabrın 27-də günorta satlarından başlayaraq, İsrailin Hərbi Hava Qüvvələri Qəzzə zolağını raket atəşinə tutublar. Dekarbın 19 - da Həmas təşkilatı və Israil arasında müvəqqəti atəşkəsin başa çatmasından sonra, Həmas dörd fələstinlinin qətlinə cavab olaraq, Israilin Sederot va Aşkelon yaşayış məntəqələrini raket atəşinət tutub.
Israilin keçirdiyi hərbi əmaliyyatlar zamanı 380 nəfər həlak olub, 1500 nəfər yaralanıb.
Həmas təşkilatının Qəzzədəki matbuat xidmətindən Trend -a verilən məlumata görə, ölən və yaralananların əksəriyyəti qadın və uşaqlardır. Həmas və Islami Cihad ldierləri İsrail rəsmilərindən Qəzzədə törədilən cinayətlərə görə qisas alacaqlarını bildirblər.
Həmas İsrailin Qəzzə zolağının bombalamasına cavab olaraq ,Sederot və Aşkelon yəhudi məntəqələrinə 60 - a yaxın raket zərbəsi endirib. İsrail hökuməti Aşkelon və Sderotda fövqəladə vəziyyət elan edib.
Gündüz, yaxın günlərdə İslam Ölkələri Parlament Assambleyası Baş katibliyinin bu Assambleyaya üzv ölkələrin təcili iclasını çağırmaq üçün müraciət yayacağını da bildirib.
İslam Konrfansı Təşkilatı Parlament Assambleyasında Türkiyə Qrupunun sədri kimi, İsrailin Qəzzədəki hərəkətlərini qətiyyətlə pislədiyini bildirən Gündüz, məsuliyyət daşıyanların cavab verməli olacağını vurğulayıb. "Təkcə regional yox, həm də beynəlxalq sülhü və əmin-amanlığı pozacaq bu addıma görə məsuliyyət daşıyınlar mütləq cavab verməli olacaqlar", - deyə Gündüz bildirib.
Məqalə müəllifi ilə əlaqə ünvanı: [email protected]