Azərbaycan, Gəncə, 19 yanvar / Trend , müxbir V.Məmmədov/ Azərbaycanın qərbində yerləşən Gəncə şəhərində (paytaxt Bakiıdan 365 km məsafədə) ötən il yol qəzalarının sayı azalıb.
Gəncə Polis İdarəsindən bazar ertəsi Trend -a verilən məlumata görə, ötən il şəhərdə yol-nəqliyyat hadisələrinin sayı, 2007-ci illə müqayisədə 18 fakt azalaraq, 170 olub.
Qəzalar nəticəsində 189 nəfər müxtəlif dərəcəli bədən xəsarətləri alıb, 19 nəfər həlak olub, 19 nəfər cinayət məsuliyyətinə cəlb edilib.
İdarədən bildirilib ki, ötən il Gəncədə yol hərəkəti qaydalarını pozan sürücülər barəsində 3 min 764 protokol tərtib edilib və dövlət büdcəsinə 1 milyon 320 min manat vəsait daxil olub. Tərtib edilən protokollardan 1904 - ü sərxoş halda avtomobil idarə edən, 1231-i qırmızı işıqda keçən sürücülərə aiddir.
Məqalə müəllifi ilə əlaqə ünvanı: [email protected]
