Gürcüstan, Tbilisi, 27 yanvar/ Trend , müxbir N.Kirtsxaliya/ Gürcüstan və ABŞ bu ölkədə ATƏT missiyasının gələcək fəaliyyəti məsələsi üzrə məsləhətləşmələri davam etdirirlər.
Gürcüstan Xarici İşlər Nazirliyindən Trend -a bildiriblər ki, bu razılaşma ölkənin xarici işlər naziri ilə ABŞ-ın Gürcüstandakı fövqəladə və səlahiyyətli səfiri Con Tefft arasında keçirilən görüş zamanı əldə olunub.
ATƏT-in Gürcüstandakı missiyasının mandatı 2008-ci il dekabrın 31-də başa çatıb və fəaliyyət müddəti Rusiyanın narazılığı səbəbindən uzadılmayıb. Belə ki, bu, Cənubi Osetiya və Abxaziyanın müstəqilliklərini tanıyan RF-nin qanunvericiliyinə ziddir.