Azərbaycan, Bakı, 07 aprel / Trend , müxbir K.Zərbalıyeva /
Azərbaycanın Dövlət Sərhəd Xidməti bir ayda sərhədi pozan 17 əcnəbi vətəndaşı saxlayıb, çərşənbə axşamı Trend -a xidmətin mətbuat mərkəzindən məlumat verilib.
Mart ayında dövlət sərhədini pozduqları üçün 26 halda 33 nəfər saxlanılıb.
Mətbuat xidmətinin məlumatına görə, tutulan sərhəd pozuçularının 16 nəfəri Azərbaycan, 7-si Gürcüstan, 6-sı İran, 2-si Pakistan, 2-si Moldova vətəndaşıdır.
Sərhədçilər hesabat dövründə axtarışda olan 83 nəfəri saxlayaraq hüquq-mühafizə orqanlarına təhvil veriblər.
Xəzər dənizində sahilboyu rejim qaydaları yoxlanılarkən Azərbaycana məxsus 11 gəmi və 15 qayıq, Rusiyaya məxsus 3 gəmi saxlanılaraq, baxış keçirilib. Sərhəd rejim qaydalarına riayət etməyən bir qayıqda 3 nəfər Azərbaycan vətəndaşı saxlanılaraq, barələrində müvafiq tədbirlər görülüb.
Məqalə müəllifi ilə əlaqə ünvanı: [email protected]