Azərbaycan, Bakı, 11 iyun / Trend , müxbir S.Ağayeva /
"Latviya Prezidenti Valdis Zatlersin Bakıya avqustdakı rəsmi səfəri zamanı Azərbaycan və Latviya arasında əməkdaşlıq prioritet məsələlərdən olacaq", - cümə axşamı Trend -a Azərbaycanın bu ölkədəki səfiri Tofiq Zülfüqarov məlumat verib.
"Latviya Prezidenti üç Cənubi Qafqaz ökəsindən yalnız Azərbaycana səfər edəcək", - Zülfüqarov Riqadan telelfonla xəbər verib.
"Zatlersi hökumət nümayəndələri və azərbaycanlı həmkarları ilə əməkdaşlığın genişləndirilməsi imkanlarını müzakirə etmək niyyətində olan latviyalı biznesmenlər müşayiət edəcək", - səfir qeyd edib.
Latviya Prezidentinin səfərinin gedişində ikitərəfli əməkdaşlıq üzrə bir sıra sənədlərin imzalanması gözlənilir.
Azərbaycan Dövlət Statistika Komitəsinin məlumatına görə, 2008-ci ildə Azərbaycan və Latviya arasında ticarət dövriyyəsi 7,86 milyon dollar təşkil edib.
