Azərbaycan, Bakı, 17 avqust / Trend , müxbir C.Babayeva /
Azərbaycanın müxalif Qarabağ və Respublika Uğrunda Vətəndaş Hərəkatının nəzdində işçi qrupu yaradılıb.
İşçi qrupu Seçki Məcəlləsinə və Bələdiyyələr haqqında Qanuna dəyişikliklər və əlavələrlə bağlı təkliflərin hazırlanması məqsədilə yaradılıb. Bu barədə bazar ertəsi Müsavat Partiyasından Trend -a daxil olan məlumatda bildirilib.
Müsavat Partiyası Divanının keçirilən iclasında divan üzvü Gülağa Aslanlının işçi qrupunda təmsil olunması ilə bağlı qərar qəbul olunub.
Divanın iclasında, həmçinin Dağlıq Qarabağ münaqişəsinin həlli ilə bağlı danışıqların gedişi, ölkədəki ictimai-siyasi vəziyyət və digər məsələlər müzakirə olunub.
Trend -un arayışı: Qarabağ və Respublika Uğrunda Vətəndaş Hərəkatında Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təmsil olunur.
Məqalə müəllifi ilə əlaqə ünvanı: [email protected]
