Azərbaycan, Bakı, 02 noyabr / Trend , müxbir A.Hüseynbala/
Azərbaycanın bir neçə partiyasının təmsil olunduğu ittifaqın Məclisi yaradılacaq.
"İttifaqa üzv olan partiyaların Sədrlər Şurasının bu gün keçirilən iclasında belə bir qurumun yaradılması barədə qərar verilib", - bazar ertəsi Trend -a Demokratiya Uğrunda İttifaqda (DUİ) təmsil olunan Böyük Azərbaycan Partiyasının (BAP) sədri Elşad Musayev bildirib.
Trend -un arayışı: Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа Хаlq, 2009-cu ilin oktyabr ayında isə Qurtuluş pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.
Musayevin sözlərinə görə, DUİ-nin Məclisində quruma üzv olan partiyaların rəhbər strukturlarındakı şəxslər təmsil olunacaqlar. "Bir neçə partiyanın DUİ-yə üzv olması ilə bağlı danışıqlar gedir. Məclisdə həmin partiyaların rəhbəliyindəki şəxslərin də təmsil olunması istisna deyil", - partiya sədri əlavə edib.
BAP sədri deyib ki, Sədrlər Şurasının iclasında Milli Demokrat Partiyasının (MDP) ittifaqdan uzaqlaşdırılması barədə qərar qəbul olunub. "Bu partiya son vaxtlar ittifaqda təmsil olunan digər siyasi təşkilatlardan fərqli siyasət yürüdür, partiyanın ictimai-siyasi proseslərə münasibəti fərqliydi. Digər tərəfdən, partiya rəhbərliyi DUİ-nin iclaslarında mütəmadi iştirak etmirdi", - Musayev xatırladıb.
Onun fikrincə, məhz həmin səbəblər nəzərə alınaraq MDP ittifaqdan kənarlaşdırılıb.
Məqalə müəllifi ilə əlaqə ünvanı: [email protected]
