Azərbaycan Prezidenti İlham Əliyev Milli Məclis tərəfindən təsdiqlənən Azərbaycan Respublikası Prezidenti və Rusiya Federasiyası Prezidentinin Xəzər dənizi üzrə 2009-cu il iyunun 29-da Bakıda imzalanan Birgə Bəyanatını təsdiqləyib. Məlumatı çərşənbə axşamı AzərTAc Dövlət İnformasiya Agentliyi yayıb.
Dövlət başçısı Azərbaycan Respublikası hökuməti və Gürcüstan Respublikası hökuməti arasında 2009-cu il mayın 20-də Bakıda imzalanan "Hava əlaqəsi haqqında" Sazişə dəyişikliklər edilməsi haqqında" Protokolu təsdiq edib.
Prezident İlham Əliyev 2005-ci il dekabrın 9-da Nyu-Yorkda imzalanan "Birləşmiş Millətlər Təşkilatının işçi heyətinin və onunla bağlı heyətin təhlükəsizliyi haqqında" Konvensiyaya Fakültativ Protokolu təsdiq edib.
Azərbaycanın dövlət başçısı Milli Məclis tərəfindən təsdiqlənən 2008-ci il noyabrın 14-də Kişinyovda imzalanan "Birgə film istehsalı haqqında" Sazişi təsdiqləyib.
İlham Əliyev 1971-ci il avqustun 20-də Vaşinqtonda imzalanan Beynəlxalq Peyk Rabitəsi Təşkilatı ilə bağlı Sazişə dəyişikliyi təsdiq edib.
Prezident, həmçinin Azərbaycan Respublikası və Polşa Respublikası Prezidentlərinin Məşvərət Komitəsinin 2009-cu il iyulun 2-də Bakıda imzalanan nizamnaməsini təsdiq edib.
Prezident parlament tərəfindən təsdiq edilən Azərbaycan Respublikası Prezidentinin və Latviya Respublikası Prezidentinin 2009-cu il avqustun 10-da Bakıda imzalanan Birgə Bəyannaməsini təsdiq edib.
Dövlət başçısı, həmçinin 2009-cu il aprelin 9-da imzalanan "2009-2010-cu illərdə Azərbaycan-Ukrayna əməkdaşlığının Tədbirlər Planı"nı təsdiq edib.