Azərbaycan, Bakı, 20 yanvar / Trend , müxbir K.Zərbalıyeva/
Mərkəzi Seçki Komissiyası (MSK) tərəfindən bələdiyyə seçkisi ilə bağlı daxil olan müraciətləri əsasında Baş Prokurorluqda istintaq qrupu yaradılıb. Trend -un məlumatına görə, bunu çərşənbə günü jurnalistlərə baş prokuror Zakir Qaralov deyib.
"İstintaq qrupu rayonlara çıxıb və araşdırmalara başlayıblar, nəticələr barədə ictimaiyyətə geniş açıqlama veriləcək", - Qaralov əlavə edib.
MSK ötən il dekabrın 23-də keçirilən bələdiyyə seçkisindəki bəzi qanun pozuntuları ilə bağlı Baş Prokurorluğa müraciət edib.