...

ABŞ səfirliyi tezliklə Azərbaycana səfir təyin ediləcəyini gözləyir

Siyasət Materials 2 Fevral 2010 19:54 (UTC +04:00)
ABŞ-ın Azərbaycanda səfirinin təyin olunmasının təxirə salınması üçün xüsusi bir səbəb yoxdur və səfirlik səfiri Bakıda görməyə ümidlidir. Bunu ABŞ-ın Azərbaycanda müvəqqəti işlər vəkili Donald Lu Bakıda jurnalistlərə deyib.
ABŞ səfirliyi tezliklə Azərbaycana səfir təyin ediləcəyini gözləyir

Azərbaycan, Bakı, 02 fevral / Trend , müxbir Ü.Sadıxova/

ABŞ-ın Azərbaycanda səfirinin təyin olunmasının təxirə salınması üçün xüsusi bir səbəb yoxdur və səfirlik səfiri Bakıda görməyə ümidlidir. Bunu ABŞ-ın Azərbaycanda müvəqqəti işlər vəkili Donald Lu Bakıda jurnalistlərə deyib.

"Ayın əvvəlində Vaşinqtonda olmuşam və yeni səfirin təyin edilməsi ilə bağlı bir çox insanla danışmışam. Biz səfiri tezliklə görmək istərdik. ABŞ-da bu proses xeyli vaxt aparır və bununla bağlı yalnız prezident qərar qəbul edə bilər", - Lu deyib.

Dağlıq Qarabağ münaqişəsinə gəlincə Lu deyib ki, ATƏT-in Minsk qrupunun həmsədrləri, o cümlədən amerikalı həmsədr hazırda daha çox fəallıq göstərir.

"İndi Azərbaycan və Ermənistan prezidentləri, həmçinin ATƏT-in Minsk qrupu həmsədrləri arasında fəallıq dövrüdür. Mən ümidvaram ki, bu fəallıq davam edəcək", - Lu deyib.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır.

Xəbər lenti

Xəbər lenti