Azərbaycan, Bakı, 15 mart / Trend , müxbir K.Zərbalıyeva/
Azərbaycan Milli Təhlükəsizlik Nazirliyi (MTN) 8 azərbaycanlı tələbənin xaricə qaçırılması barədə məlumatı təsdiq etməyib.
MTN-in İctimaiyyətlə əlaqələr mərkəzinin rəhbəri Arif Babayev bazar ertəsi Trend -a bildirib ki, tələbələrin hansısa dini təriqət üzvləri tərəfindən ərəb ölkəsinə qaçırılması və hansısa terror düşərgəsinə yerləşdirilmələri barədə mərkəzdə məlumat yoxdur.
Bu gün KİV-də Azərbaycan Dövlət Neft Akademiyasının və Bakı Dövlət Universitetinin 8 tələbəsinin qaçırıldığı və onların hansısa dini təriqətlərdən birinin üzvləri olduqları barədə məlumat dərc edililb.