Gürcüstan, Tbilisi, 25 mart/ Trend , müxbir N.Kirsxaliya/
Gürcüstanda Novruz Bayramı münasibətilə 21 Mart istirahət günü elan edilib. Trend -a Prezident Мixail Saakaşvilinin administrasiyasından verilən məlumata görə, dövlət başçısı bu barədə fərmanı martın 23-də imzalayıb.
Martın 21-də Gürcüstan Prezidenti azərbaycanlıların sıx yaşadıqları Marneulidə Novruz Bayramının Ümummilli Bayram kimi qeyd olunacağını vəd edib.
Gürcüstanda yarım milyona yaxın azərbaycanlı müsəlman və bir neçə min gürcü müsəlman (Acariyada) yaşayır. Onlar Novruz Bayramını qeyd ediblər.