Azərbaycan, Bakı, 10 aprel /Trend/
Azərbaycanın Rusiyadakı fövqəladə və səlahiyyətli səfiri, Humanitar Əməkdaşlıq Şurasının (HƏŞ) üzvü, MDB Dövlətlərarası Humanitar Əməkdaşlıq Fondunun (DHƏF) İdarə Heyətinin üzvü Polad Bülbüloğlu mayın 22-də DHƏF-in İdarə Heyətinin sədri olacaq. Bu qərar cümə günü DHƏF və HƏŞ-in birgə iclasında qəbul olunub. Bu barədə DHƏF-in mətbuat katibi Aleksandr Kaluqin telefonla Trend-ə bildirib.
Hazırda DHƏF-in İdarə Heyətinin sədri Qazaxıstanın təhsil və elm naziri Janseit Tuymebayevdir.
Azərbaycan DHƏF-in yaradılması haqqında müqaviləni imzalayan səkkizinci ölkədir. Müqaviləni Ermənistan, Belarus, Qazaxıstan, Qırğızıstan, Rusiya, Tacikistan və Özbəkistan da imzalayıb.